នំគមខ្មែរ

 នំគមខ្មែរ 

របៀបធ្វើ 

គ្រឿងផ្សំ៖

ម្សៅដំណើប ដូងកោស ល្ងលីង សណ្តែកដីលីង ស្ករត្នោត អំបិល

របៀបធ្វើ៖

១- យកម្សៅពីរវែក លាយទឹកក្តៅ និង អំបិលចុងស្លាបព្រា លុញច្របល់ រហូដល់មួតសាច់ ទន់ស្អិត ដូចតាំងម៉ែស្រូវ។

២- យកដូងកោសទៅលីងអោយឈ្ងុយ ហើយដួសចេញ។

៣- យកសណ្តែកដី និង ល្ង ទៅលីងអោយឈ្ងុយ ហើយដួសចេញ។ អ្នកដែលមានសុខភាពប្រតិកម្ម ចំពោះសណ្តែកដី ឬ ល្ង អាចធ្វើស្នូល មិនបាច់ដាក់សណ្តែកដី ឬ ល្ងលីង ក៏បាន។

៤- យកស្ករត្នោត ទៅដាក់លាយទឹកបន្តិច ហើយកម្លោច អោយចេញសរសៃ ជើងអង្ក្រង។

៥- ចាក់ដូងលីង សណ្តែកដីលីង និងល្ងលីងចូល រួចថែមអំបិលចុងស្លាបព្រា ដើម្បីរំងាប់ជាតិភ្លាវ។

៦- លុះដូង ល្ងនិងស្ករ រមួតស្អិតចូលគ្នាហើយ ទើបលើកចេញពីភ្លើង។

៧- យកស្លឹកចេក កាត់ជាយអោយស្អាត លាបប្រេងលើស្លឹក ទើបគួចជាសាជី ហើយដួសម្សៅចាក់ពីលើ។

៨- ចូកស្នូលដូង មួយស្លាបព្រា ដាក់ចំកណ្តាល រួចដួសម្សៅចាក់ថែមពីលើ ទើបគួចបត់ភ្ជិតមុខ ដាក់ក្នុងឆ្នាំងចំហុយ។

៩- ដាក់ចំហុយ ប្រហែលកន្លះម៉ោង ទើបលើកចេញ ស្រង់យកមកទុកអោយត្រជាក់ ទើបឆីមិនរលាកមាត់។